புத்தகம்

புத்தகம் நல்ல புத்தகம்

      புதிய புதிய புத்தகம்

நித்தம் வந்து குவியுதாம்

      நம்ம ஊரு கடையிலே

கருத்து விளக்கக் கதைகளும்

      கடவுள் சார்ந்த கதைகளும்

பொறுப்பாய் தன்னுள் தாங்கியே

      பதித்து வந்தப் புத்தகம்

கற்றுக் கொடுக்கும் கல்வியும்

கருணை கொண்ட நீதியும்

பெற்றுத் தந்த புத்தகம்

      பெருமை சொல்லும் புத்தகம்

அம்மா அப்பா இருவரும்

      ஆசை யோடு வாங்கியே

நமக்குக் கொடுக்கும் புத்தகம்

      நல்ல தமிழ்ப் புத்தகம்

சிறுவர் முதலாய் பெரியவர்

      சிறப்பாய்ப் படிக்கும் புத்தகம்

அருமை யான முறையிலே

      அடுக்கி யுள்ள புத்தகம்

பள்ளிப் பிள்ளைகள் யாவரும்

      படித்துப் பயிற்சி செய்திட

நல்ல நல்ல புத்தகம்

      நாளும் கிடைக்கும் வாருங்கள்