நாள் : 17 (17/04/2021)

தலைப்பு : நேற்றின் பிம்பங்கள்   

 

கண்ணால் கண்ட காட்சி

கருத்தில் வந்து துளைக்க

வண்ண வண்ண கனவும்

வந்து வந்து போகும்

எண்ண குழியில் நிறைந்து

ஏற்றம் போல இறைக்க

உண்மை யான பிம்பம்

உள்ளம் தன்னில் உலவும்

 

பள்ளிக் காலச் சூழல்

பழைய நினைவை மீட்ட

வெள்ளி முளைத்த பின்பும்

வீதி தோறும் சுற்றித்

துள்ளித் திரிந்த இடங்கள்

துவண்ட மனத்தை மீட்டும்

அள்ளி யிறைத்த பொருட்கள்

அன்பின் திண்மை யூட்டும்

 

பிள்ளைப் பருவம் பற்றிப்

பேசு கின்ற பேச்சு

வெள்ளை மனத்தில் தோன்றும்

வேச மில்லாப் பிம்பம்

கொள்ளை கொள்ளு மின்பம்

குவிந்து கிடந்த போதும்

உள்ள மெல்லாம் தேங்கும்

உருத்த லில்லாப் பிம்பம்

 

காதல் பருவம் உய்ய

கன்னி மனத்தை வேண்டி

நோதல் வலியால் வாடும்

நோண்பைக் கொண்ட பின்பும்

காத தூரம் சென்று

கால்கள் கடுக்க நின்று

கோதை முகத்தைப் பார்த்த

குறைந்த காலப் பிம்பம்

 

பள்ளம் மேடு கொண்டு

பரந்து விரிந்த ஆற்றில்

வெள்ளம் பாய்ந்து செல்ல

விருப்ப மோடு குதித்து

தள்ளும் நீரின் எதிராய்த்

தாவித் தாவி நீந்தி

எல்லை வந்த காட்சி

எனக்குள் இருக்கும் பிம்பம்