புத்தாண்டு வருகுதுபார்
புத்தாண்டு வருகுதுபார் – தமிழ்
புத்தாண்டு வருகுதுபார்
முத்தான ‘தை’யினிலே – தமிழ்
முடுசூடி வருகுதுபார்
எண்ணமதில் குடிகொண்ட – உயர்
இனியதமிழ்ப் பாட்டோடு
பண்பாட்டுப் பெட்டகமாய் – தைப்
பொங்கலன்று வருகுதுபார்
நன்செய்யுள் திருக்குறளை – உயர்
நாடுபோற்ற செய்ததமிழ்
பொன்னாண்டை கூட்டியிங்கு – உயர்
புதுப்பொலிவு தருகுதுபார்
கன்னித்தமிழ் வையகத்தில் – உயர்
கலைகள்பல கொண்டிங்கு
வண்ணத்தமிழ் புத்தாண்டாய் – உயர்
வையகத்தில் வருகுதுபார்
நன்னாளாம் புத்தாண்டில் – உயர்
நல்லவர்கள் வாழ்த்திடவே
என்னாளும் பொன்னாளாய் – உயர்
ஏற்றமுடன் வருகுதுபார்
பொன்.கணேசுகுமார்
சிங்கப்பூர்
இப்படியே சொந்தமா ஏதாவது சொல்லி நம்பள தேத்திக்க வேண்டியதுதான்....
பதிலளிநீக்குகவிதை அருமையோ அருமை.
வருடா வருடம் தைப்பொங்கலுக்க மட்டும் தமிழையும் புத்தாண்டையும் மட்டும் எழுதாமல் இங்கு வாழ் தமிழர்களின் வாழ்க்கை நிலையினையும் அவர்கள் எதிர்கொள்ளும் சமகால வாழ்வியல் சிக்கல்களையும் முன்நிறுத்தி கவிதைகளைப் படைத்தல் இன்னும் சிறப்பாக இருக்கும்.