காலம்

காலமே! காலமே! முன் நகரு

காலமே! நேரமே! முன் நகரு

ஓடு! ஓடு! நீ ஓடு!

உன் மகிமை தெரிந்திட நீ ஓடு!

மனிதன் புரிந்திட நீ ஓடு!

 

ஊரு உலகம் எல்லாம்

உன்னைத் தேடி அலையுது பார்

ஒரு நிமிடம்கூட நிற்காதே

மனிதன் உன்னிடம் கெஞ்சுவான்

அதை நீயும் கேட்காதே

 

சூரியன் உதயத்திற்காக நிற்பாயா?

இல்லை மறைவிற்காக நிற்பாயா?

உய்வில்லா உன்தன் குறிக்கோளைப்

புனிதமான உன் வரவோடு

மனிதன் புத்தியில் உரைப்பாயா?

 

ஒன்று இரண்டு என்றில்லை

உயர்ந்த சக்தி அதைக் கொண்டு

நீ அழும் மனிதனைப் புதைப்பாய்  

உலகின் அழிவைக் கண்டு

ஊமையென வேடிக்கை பார்ப்பாய்

 

அதுவே உனது உரிமை

அது மட்டுமே உன் லட்சியம்

நிற்காதே! காலமே! நிற்காதே!

நீ நகர்த்தும் உலகில் நிற்காதே!

ஓடு ஓடு நீ ஓடு!