வாழ்க்கை
மனத்தை மதித்து போற்றிடவும்
மாண்பைச் சொல்லி நடத்திடவும்
குணத்தைக் குன்றாய்க் கொண்டிங்குக்
கூடி வாழும் வாழ்க்கையில்
இன்பம் துன்பம் இணைந்தாலும்
ஏற்றத் தாழ்வு சேர்ந்தாலும்
பணத்தை முதலாய்க் கொள்ளாது
பட்டம் பதவி யெண்ணாது
கணவன் மனைவி உறவென்று
கட்டுப் பட்ட வாழ்க்கையில்
அன்பும் அறனும் தழைத்தோங்கும்
அமைதி கொண்ட நல்லறத்தை
இன்று போல என்றென்றும்
இனிதாய் நிலைக்கச் செய்திடவே
அன்றே சொன்ன மறைபொருளை
அறிந்து நீயும் செயல்படு
கருத்துகள் இல்லை:
கருத்துரையிடுக