சுப அருணாசலம் நினைவுப் பாட்டுப் போட்டி 

பாடல் 2

சிங்கைத் தம்பி சின்னத் தம்பி வாங்க - நம்ம

சுபஅருணாசலம் நினைவு உரைப்போம் வாங்க

வெங்கல குரலுக்குச் சொந்தக்காரர் தானுங்க - அவர்

வேசமின்றிப் பாசம் வைத்தவர் தானுங்க

(சிங்கைத் தம்பி சின்னத் தம்பி வாங்க – நம்ம...)

பங்கமின்றிப் பகையின்றிப் பல்லினத்தார் வாழும் - நம்ம

பசுமைமிகு சிங்கை நாட்டவராம் நீங்க

சிங்கை நாட்டின் சீர்மையினைக் கெடுக்கும் - இந்தச்

சீரில்லாக் கிருமியினை அழித்திடவே வாங்க

 

கொரோனாக் காலச் சூழலிலும் நீங்க - பெரும்

கூட்டத்தோடு சேர்ந்திடாது தனித்தனியாய் வாங்க

அரசு சொல்லும் ஆணைகளைக் கேட்டு - நீங்க

அசுரத் தொற்றை விரட்டிடவே வாங்க

(சிங்கைத் தம்பி சின்னத் தம்பி வாங்க – நம்ம...)

நாசிவழி உள்ளே சென்று தாக்கி – உங்க

நல்லுடலை நசித்து நச்சுடலாய் ஆக்கி

மூச்சுமுட்டும் மூர்க்கத் தொற்றை விரட்ட – நீங்க

முகக்கவசம் மாட்டி எங்கும் போங்க

 

மரணத் தொற்றை மடியச் செய்யும் மருந்தை - நீங்க

மறந்திடாமல் போட்டுக் கொண்டு வந்தால்

அரக்கன்போல அழிவைத் தரும் தொற்றை - நீங்க

அண்டம் விட்டே அகற்றிடலாம் வாங்க

(சிங்கைத் தம்பி சின்னத் தம்பி வாங்க – நம்ம...)