"மடி"

ஆவின் மடிதேடும் கன்றும்
அன்னை மடிதேடும் சேயும்
கோவின் மடிதேடும் குடியும்
குடிகள் மடிதேடும் குலமும்

மேக மடிதேடும் மழையும்
மழையின் மடிதேடும் பயிரும்
சோக மடிதேடும் சுகமும்
சுகத்தின் மடிதேடும் வாழ்வும்

ஒன்றில் ஒன்றாய்க் கலந்தே
உயிரின் மடியாய்த் தோன்றும்
பண்பின் பயனாய் விளைந்து
பரிவின் மடியாய்த் தொடரும்

அன்னை தந்தை மடியில்
அன்பும் அறிவும் தோன்றும்
என்னுள் இணைந்தாள் மடியில்
இன்பக் குலமோ துலங்கும்