சுற்றுச் சூழல் பாதுகாப்பு
முகிலரும்பு கொட்டுகின்ற முத்தான பூமியிலே
நெகிழிகளும் குப்பைகளும் நிறைந்தே போச்சு
மண்ணோடு மலர்வாசம் மணத்திடும் நிலமெல்லாம்
கண்பார்க்க காட்சியின்றிக் கட்டிடங்கள் ஆச்சு
வாமனனாய் முளைத்திட்ட வானளவு கட்டிடத்தால்
பூமித்தாயின் நெஞ்சமெங்கும் புண்ணாய்ப் போச்சு
சாலையோடும் வாகனங்கள் சத்தமோடு புகையினையும்
ஆலையோடும் இயந்திரங்கள் ஆழாகால விசத்தினையும்
மீண்டும் மீண்டும் சலிப்பின்றிக் கக்கியதால்
வான்வெளியும் மண்வெளியும் பயனற்ற நஞ்சேயாச்சு
நாமின்று செய்கின்ற கேடான செயலாலே
நாளைய தலைமுறையும் நலிவுறும் நிலையேயாச்சு!
கருத்துகள் இல்லை:
கருத்துரையிடுக